Dr. Bevinje Srinivas Kakkilaya

ಮತ್ತೆ ಕೊರೋನ ಸೋಂಕು ಹರಡುವ ಬಗ್ಗೆ ಭಯ ಬೇಡ

ವಿ4 ಚಾನೆಲ್, ಮಂಗಳೂರು – ಮೇ 24, 2025

No Need for Alarm Over New COVID Variants, Says Health Expert

Hansindia, May 24, 2025

ಮತೀಯವಾದಿಗಳಿಂದ ವೈದ್ಯಕೀಯ ಸಂಘಗಳನ್ನು ದುರುಪಯೋಗಪಡಿಸುವ ಪ್ರಯತ್ನ ನಡೆದಿದೆ : ಪುತ್ತೂರಿನಲ್ಲಿ ವೈದ್ಯರ ಸಂಘ ಪ್ರತಿಭಟನೆ ನಡೆಸಿದ ಬಗ್ಗೆ ಪ್ರತಿಕ್ರಿಯೆ

ವಾರ್ತಾಭಾರತಿ, ಎಪ್ರಿಲ್ 29, 2025

ಮತೀಯವಾದಿಗಳಿಂದ ವೈದ್ಯಕೀಯ ಸಂಘಟನೆಗಳನ್ನು ವಿಮೋಚನೆಗೆ ಪ್ರಜ್ಞಾವಂತ ವೈದ್ಯರು ಒಗ್ಗೂಡಬೇಕು

ವಾರ್ತಾಭಾರತಿ, ಎಪ್ರಿಲ್ 28, 2025

ಮಾದರಿ ವೈದ್ಯೆ ಡಾ. ಅಕ್ಕಮಹಾದೇವಿ

ಹೊಸತು, ಫೆಬ್ರವರಿ-ಮಾರ್ಚ್ 2025

ಕಾರ್ಪರೇಟ್-ಕೋಮುವಾದಗಳ ಜೋಡಾಟದಲ್ಲಿ ಅಪ್ಪಚ್ಚಿಯಾದ ಆಧುನಿಕ ಆರೋಗ್ಯ ಸೇವೆಗಳು

ಹೊಸತು, ವಿಶೇಷಾಂಕ, ಜನವರಿ 2025

ಉಳ್ಳವರ ದಾರ್ಷ್ಟ್ಯ, ನೌಕರರ ಹಿತ ನಿರ್ಲಕ್ಷ್ಯ

ಪ್ರಜಾವಾಣಿ, ಜನವರಿ 18, 2025

ಮೆಟಾ ನ್ಯೂಮೋ ವೈರಸ್ ಭೀತಿ ಅನಗತ್ಯ

ಮೆಟಾ ನ್ಯೂಮೋ ವೈರಸ್ ಸೋಂಕಿನ ಬಗ್ಗೆ ಅನಗತ್ಯವಾದ ಭೀತಿಯನ್ನು ಹರಡಲಾಗುತ್ತಿದೆ. ಇದೊಂದು ಅತಿ ಹಳೆಯ, ಅತಿ ಸಾಮಾನ್ಯವಾದ, ಅತಿ ಸರಳವಾದ ವೈರಸ್ ಆಗಿದ್ದು, ಅತಿ ಸಣ್ಣ ಮಕ್ಕಳಲ್ಲಿ ಅತಿ ಸೌಮ್ಯವಾದ ಸೋಂಕನ್ನುಂಟು ಮಾಡಿ ಎರಡು-ಮೂರು ದಿನಗಳಲ್ಲಿ ದೇಹದ ರೋಗ ನಿರೋಧಕ ಶಕ್ತಿಯ ಬಲದಿಂದಲೇ ವಾಸಿಯಾಗುತ್ತದೆ.

ಈ ಹ್ಯುಮನ್ ಮೆಟಾ ನ್ಯೂಮೋ ವೈರಸ್ ಸಾವಿರಾರು ವರ್ಷಗಳಿಂದಲೂ ಮನುಷ್ಯರ ನಡುವೆ ಎಲ್ಲಾ ದೇಶಗಳಲ್ಲೂ ಪ್ರಚಲಿತವಿದ್ದು, ಬಹುತೇಕ ಎಲ್ಲರಲ್ಲೂ ಈಗಾಗಲೇ ಸೋಂಕನ್ನುಂಟು ಮಾಡಿ ವಾಸಿಯಾಗಿ ಹೋಗಿದೆ. ಇದು ಬಹುತೇಕ ಎಲ್ಲರಲ್ಲಿ ಅತ್ಯಂತ ಸೌಮ್ಯವಾಗಿ ಗಂಟಲಿನ ಸೋಂಕನ್ನುಂಟು ಮಾಡುತ್ತದೆ. ಈ ವೈರಸ್ ಅನ್ನು ಆಧುನಿಕ ತಳಿ ಪರೀಕ್ಷೆಯ ವಿಧಾನಗಳ ಮೂಲಕ 2001ರಲ್ಲಿ ನೆದರ್ಲೆಂಡಿನಲ್ಲಿ ಮೊದಲ ಬಾರಿಗೆ ಗುರುತಿಸಲಾಯಿತಾದರೂ, ಇದು ಅಲ್ಲಿ ಆಗ ಹುಟ್ಟಿದ್ದೇನಲ್ಲ, ಅದಕ್ಕೂ ಮೊದಲೇ ಪಕ್ಷಿಗಳಿಂದ ಮನುಷ್ಯರಿಗೆ ಹರಡಿ, ಬಳಿಕ ಮನುಷ್ಯರೊಳಗೆ ಹರಡುತ್ತಾ ವಿಶ್ವವ್ಯಾಪಿಯಾಗಿರುತ್ತದೆ. ಮೊದಲು ಗುರುತಿಸಲ್ಪಟ್ಟ ಬಳಿಕ ಈ ವೈರಸಿನ ಬಗ್ಗೆ ಭಾರತವೂ ಸೇರಿದಂತೆ ಹಲವು ದೇಶಗಳಲ್ಲಿ ಅನೇಕ ಅಧ್ಯಯನಗಳಾಗಿದ್ದು, ಹುಟ್ಟಿನಿಂದ ಆರು ವರ್ಷದೊಳಗಿನ ಮಕ್ಕಳಲ್ಲೂ ಶೇ. 69-89ರಷ್ಟು ಸೋಂಕನ್ನುಂಟು ಮಾಡುತ್ತದೆ ಎಂದೂ, 20 ವರ್ಷ ವಯಸ್ಸಿನೊಳಗೆ ಶೇ 100ರಷ್ಟು ಮಂದಿಯಲ್ಲಿ ಸೋಂಕನ್ನುಂಟು ಮಾಡುತ್ತದೆ ಎಂದು 2005ರಲ್ಲೇ ಗುರುತಿಸಲಾಗಿತ್ತು. ಸಣ್ಣ ಮಕ್ಕಳಾಗಿರುವಾಗಲೇ ಹೆಚ್ಚಿನವರು ಈ ಸೋಂಕನ್ನು ಪಡೆದು ಜೀವನ ಪರ್ಯಂತ ಉಳಿಯುವ ರೋಗ ನಿರೋಧಕ ಶಕ್ತಿಯನ್ನು ಪಡೆಯುವುದರಿಂದ ಹೊಸ ಸೋಂಕುಗಳು ಅತಿ ಸಣ್ಣ ವಯಸ್ಸಿನ (ಕೆಲವು ತಿಂಗಳುಗಳ) ಮಕ್ಕಳಲ್ಲೇ ಗುರುತಿಸಲ್ಪಡುತ್ತವೆ. ಈಗ ಭಾರತದಿಂದ ವರದಿಯಾಗಿರುವ ಎಲ್ಲಾ ಪ್ರಕರಣಗಳು ಕೂಡ ಹೀಗೆ ಒಂದೆರಡು ತಿಂಗಳ ಶಿಶುಗಳಲ್ಲೇ ಉಂಟಾಗಿರುವುದು ಇದನ್ನೇ ಪುಷ್ಠೀಕರಿಸುತ್ತದೆ. ಎಲ್ಲಾ ವಯಸ್ಕರೂ ಇದರಿಂದ ಸೋಂಕಿತರಾಗಿರುವುದರಿಂದ ಅವರಲ್ಲಿ ಇದು ಮತ್ತೆ ಉಂಟಾಗುವ ಸಾಧ್ಯತೆಗಳು ತೀರಾ ವಿರಳವೇ. ಇಂಥ ಸೋಂಕಿನಿಂದ ತೀವ್ರ ಸ್ವರೂಪದ ಸಮಸ್ಯೆಗಳಾಗುವುದು ಇನ್ನೂ ಅಪರೂಪವೇ. ಆದ್ದರಿಂದ ಈ ಬಗ್ಗೆ ಯಾರೂ ಚಿಂತಿತರಾಗುವ ಅಗತ್ಯವೇ ಇಲ್ಲ.